Нұрсұлтан Назарбаев Қорының 2024-2025 жылдағы стипендияның жеңімпазы
Нұрсұлтан Назарбаев Қорында 2024 жылы 30 сәуір мен 10 шілдесіне дейін өткен республикалық студенттік стипендиялар байқауының қорытындысы бойынша Маңғыстау өнер колледжі "Домбырамен ән салу" бөлімінің 4 курс студенті Келісқызы Айдана стипендиант атанды. Ұстазы Ерімбетова Ақмарал Тастанбекқызы
Биыл стипендиялық бағдарламаға Астана, Алматы, Шымкент, Ақтөбе, Ақтау, Атырау, Қарағанды, Қаскелең, Көкшетау, Қостанай, Қызылорда, Павлодар, Петропавл, Семей, Тараз, Түркістан, Өскемен қалаларынан 224 студент қатысты. Байқау шартына сәйкес, 40 студент жеңімпаз деп танылды. Жаңа оқу маусымы барысында олар ай сайын Нұрсұлтан Назарбаев Қорының 40 000 теңге көлеміндегі шәкіртақысын алады.
Стипендиаттарды іріктеудегі негізгі критерийлер жылдағыдай өзгеріссіз. Олар жоғары академиялық үлгерім, қоғамдық пайдалы істерге атсалысу, ғылыми-зерттеу қызметіне белсенді қатысу, шығармашылық даму, сондай-ақ республикалық және халықаралық байқаулар мен жобалардағы жетістіктер.
Шәкіртімізді шын жүректен құттықтаймыз!