Педагогтар арасында Республикалық ғылыми – тәжірибелік конференция

Педагогтар арасында Республикалық ғылыми – тәжірибелік конференция

2022 жылы 25 қараша күні  Х.Өзбекғалиев атындағы Маңғыстау жоғары политехникалық колледжіне 50 жыл толуына орай, колледж базасында «Тарихы терең білім ордасына – 50 жыл» тақырыбы аясында «Заманауи колледж: жаңа уақыт және жаңа шешімдер» атты республикалық ғылыми-тәжірибелік   конференциясы өтті.

Конференцияның мақсаты: Қазіргі заманғы ғылым мен білім беруді дамытудың заманауи үрдістері, дамыту перспективалары, жаңа әдіс-тәсілдері мен инновациялық зерделеу жұмыстары, оның тиімділігін арттыру моделдері мен әдіс тәсілдері, заманауи технологиялардың болашақ мамандар тәрбиелеудегі өзекті мәселелері мен болашағы бойынша сұрақтарды зерттеу және ақпарат алмасу.

 Конференияның секциялық отырысының «Қазіргі заманғы инновациялық даму құралдары мен тетіктері» бағыты бойынша Маңғыстау өнер колледжі басшысының орынбасары, WorldSkills қозғалысының Маңғыстау облысы бойынша техникалық делегат ассистенті К. Джантекеева «Worldskills стандарттары негізінде Dalaskills элементтерін оқу процесіне енгізу» тақырыбында жұмысын қорғап, барлық қатыстырылған жұмыстар арасынан іріктеліп, Үздік баяндама деп танылды.