Менің жетістігім менің нәтижем

Өтепова Гүлжан Сайынқызы  Маңғыстау облысы, Қарақия ауданы, Жетібай кентінде 1983 жылы 3 қыркүйекте дүниеге келді. Осы ауылда Өскенбай Қалмамбетұлы атындағы балалар өнер мектебінде ҚР мәдениет қайраткері, Қазақ КСРнің Халық ағарту ісінің Үздігі Орын Құлсариевтің сыныбында домбырада оқып бітіріп, 2000 жылы орта мектепті бітіргеннен кейін Маңғыстау өнер колледжіне ҚР мәдениет саласының үздігі, Қазақ Ұлттық өнер университетінің доценті Қадырқұлов Жұмабек Боранбайұлының сыныбы бойынша 2004 жылы бітіріп шықты. Колледж қабырғасында 1 республикалық Есір Айшуақұлы атындағы байқаудың дипломаты. Облыстық байқаулардың лауреаты. 2004 жылы Құрманғазы атындағы қазақ ұлттық консерваториясына ҚР мәдениет саласынң үздігі Құдайбергенова Салтанат Әскенқызының сыныбына қабылданып, 2009 жылы бітірді.2005 жылы өзі оқыған Маңғыстау өнер колледжінде оқытушылық қызметке кірісті. 2012-2016 жылдар аралыңында директордың тәрбие ісі жөніндегі орынбасары қызметін атқарған. Қазіргі таңда «Халық аспаптары» бөлімінің меңгерушісі. Шәкірттері қалалық, облыстық, республикалық байқауларының лауреаттары атанып  және  жоғарғы оқу орындарын бітіріп қазіргі таңда оларда шәкірт тәрбиелеу жолында қызметте. Атап айтар болсақ Рамазан Тұрмағамбет Жаңаөзен қаласында өнер мектебінде жұмыс жасайды. Жарылғасын Ақжүніс Жетібай кентіндені Өскенбай Қалмамбетұлы атындағы балалар өнер мектебінде ұстаздық қызметте, Қарамұханова Әлия М.Өскінбаев атындағы облыстық филармониясында «Ақжарма» фольклорлық ансамблінің және «Абыл Тарақұлы» атындағы оркестрінің домбырашысы және Маңғыстау өнер колледжінде ұстаздық қызмет атқарады. Әбділлаева Фариза Қазақ ұлттық өнер университетінің екінші курс студенті. Колледжде шәкірт тәрбиелеумен қатар жас жеткіншектерді де өнерге баулу мақсатында өзінің  «ART-LIFE» өнер-білім орталығымды да қатар алып жүрген білімді ұстаз.

#оқуағарту
#оқуағартуминистрлігі
#маңғыстауоблысыныңбілімбасқармасы
#білімберудіңоқуәдістемелікорталығы
#маңғыстауөнерколледжі
#үздікмансапорталығы
#үздіккәсібибағдарберуші

#меніңжетістігімменіңнәтижем

#еңбеккүні